Lindt брэнд нь дэлхийн хамгийн сайн чанартай какао ашиглан хийдэг, мөн тэдний эртний гол нууц нь кончинг машин байсан юм. Lindt брэндийн шоколадны үүсэл нь 1845 оноос эхлэлтэй. Анх Цюрих хотын хуучин тосгон Марктгассе-ийн жижигхэн дэлгүүрт Дэвид Шпрюнгли, түүний хүү Рудольф Шпрюнгли-Амман нар шоколадны бар хийх санаа нь амжилт олж, тус шоколад нь тухайн үеийн эрх мэдэлтэн болон элитүүдийн дунд хит болж чадсан юм. Улмаар хурдацтай хөгжиж, 1847 онд Хорген хотод Schleifetobel үйлдвэрээ, 1859 онд Confiserie Sprüngli чихрийн үйлдвэрээ тус тус нээжээ.
Иоганн Рудольф Линдтийн хүү Родольф Линдт 1855 онд төрсөн ба тэрээр 1879 онд тэрээр Берн хотод өөрийн шоколадны үйлдвэрийг байгуулжээ. Родольф Линдт 1879 онд шоколад хийх кончингийн машин зохион бүтээсэн нь шоколадны анхилуун үнэр, хайлах шинж чанараараа тэр үеийн бусад шоколадаас илүү байсанаараа алдартай байсан ч тэрээр илүү өндөр чанартай шоколад үйлдвэрлэхэд ахиц дэвшил төдийлөн сайн гарахгүй байгаад сэтгэл дундуур байсан юм. Баасан гаригийн тэр оройн Родольф Линдт шоколад хийдэг кончингийн машинаа унтраахаа мартаж явсан ба даваа гаригт үйлдвэртээ ирэхэд түүнийг гайхалтай үр дүн угтсан юм. Тэрээр гөлгөр, хилэн, гялалзсан шоколадыг олж харав. Шоколадыг удаан хутгах нь зөвхөн гөлгөр болоод зогсохгүй шоколадны амтыг эрс сайжруулан гашуун багассан байв.
Lindt, Sprüngli нар 1899 онд анх уулзаж, тэд төгс түншүүд бий болж чадсан юм. Дэлхийн 1-р дайныг үл харгалзан Швейцарийн шоколадны үйлдвэрлэл цэцэглэн хөгжиж, Lindt & Sprüngli нь амжилтанд хүрэхэд чухал хувь нэмэр оруулсан. 1915 он хүртэл ихэнх бүтээгдэхүүнийг гадаадад гаргадаг байв. Дэлхийн 2-р дайны үед Линдт ба Шрюнгли шоколад болон чихрийнхээ чанарын стандартыг алдагдуулахгүйгээр, үймээн самуунтай цаг үеийг амжилттай давж гарна гэдэг тэдний хувьд том даваа байсан ч тэд чадсан юм, мөн борлуулалтаа ч өндөр байлгаж ч чадсан.
Criollo: Зөвхөн тансаг шоколад үйлдвэрлэгчдийн хурааж авдаг өндөр үнэтэй какао шош, энэ нь маш ховор шош бөгөөд дэлхийн какаоны ургацын багахан хувийг эзэлдэг, шоколаданд анхилуун үнэртэй амтыг өгдөг.
Тринитарио: Анхилуун үнэрт Criollo болон шороон Форастеро какао сортуудын эрлийз шош, энэ нь үүссэн газар болох Тринидад-н нэрээр нэрлэгдсэн, шоколаданд нарийн, бүрэн биетэй, амтыг нэмдэг.
Форастеро: Өндөр ургацтай, хурдан ургадаг, хамгийн түгээмэл какао сорт, энэ нь дэлхийн нийт какаогийн 90 орчим хувийг эзэлдэг, бидний шоколаданд бат бөх, хөрслөг өнгө нэмдэг.
Nacional: Форастеро, Криолло, Тринитарио какаоны гайхалтай ховор генетикийн холимог (Lindt брэндийн бүтээсэн өвөрмөц хольц бүхий шош). Эквадорын энэхүү сорт нь бидний шоколаданд баялаг, цэцэгсийн ноот нэмдэг.
Эх сурвалж: www.lindt.com
